Jump to content

Wq/tn/Dato Seiko

Add links
From Wikimedia Incubator
< Wq | tn
Wq > tn > Dato Seiko

Dato Seiko

[edit | edit source]

Katlego Ntirang, yo o itsegeng ka leina la serala, Dato Seiko, ke seopedi sa Botswana. Ke kgaitsadie yo mmotlana wa modiragatsi yo o tumileng wa Botswana Mapetla. O itsege ka dipina tsa gagwe tsa Phenyo ke yoo le bosheng jaana e rategang kwa maranyananeng a TikTok, "The Vow". Ke seopedi le mokwadi wa dipina yo o tlhotlhelediwang ke mefuta yotlhe ya dipina.

Dikinolo

[edit | edit source]
  • "Pina ya ntlha e ke kileng ka ithuta go e opela e ne e le ‘Tiro ya Mosadi Yono’ ya ga Maxwell fa ke ne ke le mo mophatong wa ntlha. Maxwell ke mongwe wa badiragatsi ba ba nthutileng go tsenya maikutlo ame otlhe ka metlha mo bodiragatsing jwame."
  • "Ke ne ke sa itumele go feta fa ke ne ke le motaki wa ntlha go tswa kwa Botswana go kgabisa serala sa bone se segolo. Re leboga MultiChoice Botswana go bo ka metlha e bulela tsela batho ba ba nang le bokgoni jwa go tlhama mo Botswana kwa ntle ga lefatshe leno.”
  • “Ke ne ke ntse ke batla go dira tiro ya me ka gonne ke ne ke ikutlwa ke na le dilo tse dintsi tse ke ka di buang ka kopelo yame. Ke seopedi se se dirang mefuta yotlhe ya kopelo ebile ga ke dumele mo ditlhopheng.”
  • “Ke simolotse go opela fa e sale ke itemoga mme ga ke ise ke kgaotse fa e sale ka nako eo. Kopelo ga e bolo go nna karolo ya botlhokwa mo botshelong jwa me, bogolo jang ka gonne ke tswa mo lelwapeng le le ratang kopelo. E ntse e le tsela e ke itlhalosang ka yone. Ke ne ke le ngwana yo o sa nkeng a bua ka maikutlo ka metlha, ka jalo ke ne ke dirisa kopelo jaaka tsela ya me ya go tlhalosa kafa ke ikutlwang ka gone.”
  • “Go ntsere dingwaga di le botlhano ebile ka tsholwa ka kgwedi e tlhola botlhano, ke ka moo e bidiwang Grace, ka gonne go ya ka baebele botlhano ke palo ya "tshegofatso". Setlhogo ke Yin le Yang, fa o lemoga gore moaparo wame ke bontsi jwa bontsho le bosweu. "EP" eno e bolela kgang ya ditlhatlogo le diphokotsego tsa dikgang tse dintsi tsa lorato.”
Retrieved from "https://incubator.wikimedia.org/w/index.php?title=Wq/tn/Dato_Seiko&oldid=6424123"